Nóg um lærdóm enda er ég hætt í kvöld.
Ef ég ætti eina ósk núna þá myndi ég óska þess að það væri komið sumar (þar að segja þegar ég væri búin að óska mér óteljandi óska). Mikið finnst mér vera farið að teygjast á þessum blessaða vetri og nóg er eftir af honum enn, ekki einu sinni kominn bolludagur. Ekki hjálpar það manni við að reyna að halda geðheilsunni að á hverju degi kemur nýr bæklingu frá einhverri ferðaskrifstofunni.Vá hvað ég hefði ekkert á móti því að hoppa upp í næstu flugvél og fljúga eitthvert þar sem hitastigið er ca 20°hærra en hér og allt er innifalið ;) Mér finnst það ekki skrítið að það skuli alltaf vera met sala á utanlandsferðum sama hversu blankir íslendingar eru. Ég gekk svo langt að kaupa mér brúnkukrem í vikunni. Við Helga skelltum okkur nebblega í þann stórskemmtilega tím "kviður og bak" einn morgun í vikunni og þegar ég leit í einn af ótalmörgum speglum sem er að finna í World class þá komst ég að þeirri skemmtilegu tilviljun að ég er nákvæmlega eins á litin og veggirnir í salnum sem tíminn er í. Vildi að ég gæti sagt að veggirnir væru fallegar strandbrúnir en nei...þeir eru skjannahvítir. Helga gekk reyndar skrefinu lengra og fór í ljós. Það bar líka svo góðan árangur að ef hún liti út eins og Kim Kardashian þá gæti þessi mynd allt eins verið af henni, ekki slæmt :P
Sumrin eru svo yndisleg. Allir eru svo miklu glaðari, aldrei myrkur og meira að segja stundum gott veður! Það er svo gaman að fara á böll, spila krikket, sofa í tjaldi, grilla, fara á árabátnum út á mitt ballarhaf og allt hitt sem maður gerir á sumrin. Þegar fyrst freknan kemur á nebban þá er tilefni til að brosa :)
En kannski ég reyni samt að splæsa einu eða tveim áður en til þess kemur að freknurnar láti sjá sig. Upp með húmorinn eins og vitur maður sagði eitthvert sinn.Jæja, ætli það sé ekki best að ég komi mér í háttinn áður en ég finn upp á einvherju fleiru til að kvarta yfir.
En af öllu því sem ég hef lesið og lært í dag þá er það eitt sem stendur upp úr : Ekki fara glorhungruð í Krónuna og hvað þá í félagi við aðra manneskju sem er enn hungraðri, stærri og sterkari. Það kostar marga þúsundkalla :P
Góða nótt og sofið rótt
Grói Gump ;)
Ég var líka að læra í kvöld!! Er reyndar í prófalestri, svo það er kannski ekkert óeðlilegt ;) Og mikið sem ég hlakka til í sumar, getum við plís farið í fótabaðið??
ReplyDeleteSumar! Sumar! Sumar! Vá hvað ég hlakka til.
ReplyDeleteÉg lít nú ekki alveg svona út Gróa mín, enda gleymdi ég að setja á mig sólgleraugun áður en ég lagðist í ljósabekkinn með þeim afleiðingum að ég brann á augnlokunum :P
En já, það kostar ekki bara marga þúsundkalla að fara svöng (sinnum 2) í Krónuna, það kostar líka hálfan handlegg :P
Helga M
Ohh...já auðvitað fótabaðið líka. Jáhá við getum sko farið í fótabaðið góða :D
ReplyDeleteég hlakka sko líka til sumarsins :)
ReplyDeleteTakk fyrir að blogga, alltaf svo gaman að lesa bloggið ykkar !
knús frá köben